7191 And all with antecrist they holden,
7192 As men may in the book biholden.
7193 And thanne comaunden they to sleen
7194 Alle tho that with petre been;
7195 But they shal nevere have that myght,
7196 And, god toforne, for strif to fight,
7197 That they ne shal ynough fynde
7198 That petres lawe shal have in mynde,
7199 And evere holde, and so mayntene,
7200 That at the last it shal be sene
7201 That they shal all come therto,
7202 ffor ought that they can speke or do.
7203 And thilk lawe shal not stonde,
7204 That they by Iohn have undirstonde;
7205 But, maugre hem, it shal Adowne,
7206 And bene brought to confusioun.
7303 Hadde never youre fadir heere biforne
7304 Servaunt so trewe, sith he was borne.'
7305 'That is ayens all nature.'
7306 'Sir, putte you in that Aventure;
7307 ffor though ye borowes take of me,
7308 The sikerer shal ye never be
7309 ffor ostages, ne sikirnesse,
7310 Or chartres, forto bere witnesse.