4791 Right nought am I, thurgh youre doctrine;
4792 I dulle under youre discipline;
4793 I wote no more than wist ever,
4794 To me so contrarie and so fer
4795 Is every thing that ye me lere;
4796 And yit I can it all ptuere.
4797 Myne herte foryetith therof right nought,
4798 It is so writen in my thought;
4799 And depe greven it is so tendir
4800 That all by herte I can it rendre,
4801 And rede it over comunely;
4802 But to my silf lewedist am I.
4803 'But sith ye love discreven so,
4804 And lak and preise it, bothe twoo,
4805 Defyneth it into this letter,
4806 That I may thenke on it the bett;
4807 ffor I herde never diffyned heere,
4808 And wilfully I wolde it lere.'
4809 'If love be serched wel and sought,
4810 It is a sykenesse of the thought
4811 Annexed and kned bitwixt tweyne,
4812 With male and female, with oo cheyne,
4813 So frely that byndith, that they nyll twynne,
4814 Whether so therof they leese or wynne.