4363 Who sittith hieghst, but as hir lust;
4364 A foole is he that wole hir trust.
4365 ffor it is I that am come down
4366 Thurgh change and revolucoun!
4367 Sith Bealacoil mote fro me twynne,
4368 Shette in the prisoun yonde withynne,
4369 His absence at myn herte I fele;
4370 ffor all my ioye and all myne hele
4371 Was in hym and in the rose,
4372 That but yone wole, which hym doth close,
4373 Opene, that I may hym see,
4374 Love nyl not that I cured be
4375 Of the peynes that I endure,
4376 Nor of my cruel Aventure.
4377 A, Bialacoil, myn owne deere!
4378 Though thou be now a prisonere,
4379 Kepe atte leste thyne herte to me,
4380 And suffre not that it daunted be;
4381 Ne late not Ielousie, in his rage,
4382 Putten thine herte in no servage.
4383 All though he chastice thee withoute,
4384 And make thy body unto hym loute,
4385 Have herte as hard as dyamaunt,
4386 Stedefast, and nought pliaunt;