4195 And in the kernels, heere and there,
4196 Of arblasters grete plente were.
4197 Noon armure myght her stroke withstonde,
4198 It were foly to prece to honde.
4199 Withoute the diche were lystes maade,
4200 With wall batayled large and brade,
4201 ffor men and hors shulde not Atteyne
4202 To neighe the dyche over the pleyne.
4203 Thus Ielousie hath enviroun
4204 Sette aboute his garnysoun
4205 With walles rounde, and diche depe,
4206 Oonly the roser forto kepe.
4207 And daunger, erly and late
4208 The keyes of the utter gate,
4209 The which openeth toward the eest.
4210 And he hadde with hym atte leest
4211 Thritty servauntes, echon by name.
4212 That other gate kepte shame,
4213 Which openede, as it was couth,
4214 Toward the parte of the south.
4215 Sergeauntes assigned were hir too
4216 fful many, hir will for to do.
4217 Thanne drede hadde in hir baillie
4218 The kepyng of the conestablerye,