4171 And eke amydde this purprise
4172 Was maad a tour of gret maistrise;
4173 A fairer saugh no man with sight,
4174 Large and wide, and of gret myght.
4175 They dredde noon Assaut
4176 Of gynne, gunne, nor skaffaut.
4177 The temprure of the mortere
4178 Was maad of lycour wonder dere;
4179 Of quykke lyme psant and egre,
4180 The which was tempred with vynegre.
4181 The stoon was hard of Ademant,
4182 Wherof they made the foundement.
4183 The tour was rounde, maad in compas;
4184 In all this world no riccher was,
4185 Ne better ordeigned therwith All.
4186 Aboute the tour was maad a wall,
4187 So that, bitwixt that and the tour,
4188 Roses were sette of swete savour,
4189 With many roses that thei bere.
4190 And eke withynne the castell were
4191 Spryngoldes, gunnes, bows, Archers;
4192 And eke above, atte corners,
4193 Men seyn over the wall stonde
4194 Grete engynes, who were nygh honde;