4147 That was in gret suspecioun.
4148 Aboute hym lefte he no masoun,
4149 That stoon coude leye, ne querrour;
4150 He hirede hem to make a tour.
4151 And first, the roses forto kepe,
4152 Aboute hem made he a diche deepe,
4153 Right wondir large, and also broode;
4154 Upon the whiche also stode
4155 Of squared stoon a sturdy wall,
4156 Which on a cragge was founded All,
4157 And right grete thikkenesse eke it bare.
4158 Aboute, it was founded square,
4159 An hundred fademe on every side,
4160 It was all liche longe and wide.
4161 Lest ony tyme it were Assayled,
4162 fful wel aboute it was batayled;
4163 And rounde enviroun eke were sette
4164 fful many a riche and faire tourette.
4165 At every corner of this wall
4166 Was sette a tour full pryncipall;
4167 And everich hadde, withoute fable,
4168 A porte colys defensable
4169 To kepe of enemyes, and to greve,
4170 That there her force wolde preve.