4027 'Iff Bialacoil be sweete and free,
4028 Dogged and fell thou shuldist be;
4029 ffroward and outerageous, ywis;
4030 A cherl chaungeth that curteis is.
4031 This have I herd ofte in seiyng,
4032 That man may, for no dauntyng,
4033 Make a sperhauke of a bosarde.
4034 Alle men wole holde thee for musarde,
4035 That debonair have founden thee,
4036 It sittith thee nought curteis to be;
4037 To do men plesaunce or servise,
4038 In thee it is recreaundise.
4039 Lete thi werkis, fer and nere,
4040 Be like thi name, which is daungere.
4041 Thanne, all abawid in shewing,
4042 Anoon spake drede, right thus seiyng,
4043 And seide, 'daunger, I drede me
4044 That thou ne wolt bisy be
4045 To kepe that thou hast to kepe;
4046 Whanne thou shuldist wake, thou art Aslepe.
4047 Thou shalt be greved certeynly,
4048 If thee aspie Ielousie,
4049 Or if he fynde thee in blame.
4050 He hath to day assailed shame,