3451 Thus hath he graunted my praiere.
3452 Thanne wente I forth, withouten were,
3453 Unto my freend, and tolde hym All,
3454 Which was right ioyfull of my tall.
3455 He seide, 'Now goth wel thyn Affere,
3456 He shall to thee be debonaire.
3457 Though he aforn was dispitous,
3458 He shal heere aftir be gracious.
3459 If he were touchid on some good veyne,
3460 He shuld yit rewen on thi peyne.
3461 Suffre, I rede, and no boost make,
3462 Till thou at good mes maist hym take.
3463 By suffraunce, and wordis softe,
3464 A man may overcome ofte
3465 Hym that aforn he hadde in drede,
3466 In bookis sothly as I rede.'
3467 Thus hath my freend with gret comfort
3468 Avaunced me with high disport,
3469 Which wolde me good as mych as I.
3470 And thanne anoon full sodeynly
3471 I toke my leve, and streight I wente
3472 Unto the hay; for gret talent
3473 I hadde to sene the fresh bothom,
3474 Wherynne lay my salvacioun;