2707 They shal hir telle hou they thee fande
2708 Curteis and wys, and well doande,
2709 And she shall preise well thee more.
2710 Loke oute of londe thou be not fore;
2711 And if such cause thou have, that thee
2712 Bihoveth to gone out of contree,
2713 Leve hoole thin herte in hostage,
2714 Till thou ageyn make thi passage.
2715 Thenke longe to see the swete thyng
2716 That hath thine herte in hir kepyng.
2717 'Now have I tolde thee, in what wise
2718 A lovere shall do me svise.
2719 Do it thanne, if thou wolt have
2720 The meede that thou aftir crave.'
2721 Whanne love all this hadde boden me,
2722 I seide hym: 'Sire, how may it be
2723 That lovers may in such manere
2724 Endure the peyne ye have seid heere?
2725 I merveyle me wonder faste,
2726 How ony man may lyve or laste
2727 In such peyne, and such brennyng,
2728 In sorwe and thought, and such sighing,
2729 A yee unrelesed woo to make,
2730 Whether so it be they slepe or wake.