2323 ffor if he can wel foote and daunce,
2324 It may hym greetly do Avaunce.
2325 Among eke, for thy lady sake,
2326 Songes and complayntes that thou make;
2327 ffor that wole meven in hir herte,
2328 Whanne they reden of thy smerte.
2329 Loke that no man for scarce thee holde,
2330 ffor that may greve thee many folde.
2331 Resoun wole that a lover be
2332 In his yiftes more large and fre
2333 Than cherles that ben not of lovyng.
2334 ffor who therof can ony thyng,
2335 He shal be leef ay forto yeve,
2336 In londes lore who so wolde leve;
2337 ffor he that, thorough a sodeyn sight,
2338 Or for a kyssyng, anoon right
2339 Yaff hoole his herte in will and thought,
2340 And to hym silf kepith right nought,
2341 Aftir this swiffte, it is good resoun,
2342 He yeve his good in Aboundoun.
2343 'Now woly I shortly heere reherce,
2344 Of that I have seid in verce,
2345 All the sentence by and by,
2346 In wordis fewe compendiously,