2035 I bicome his man Anoon,
2036 And gave hym thankes many Aoon,
2037 And knelide doun with hondis ioynt,
2038 And made it in my port full queynt;
2039 The ioye wente to myn herte rote.
2040 Whanne I hadde kissed his mouth so swote,
2041 I hadde sich myrthe and sich likyng,
2042 It cured me of langwisshing.
2043 He askide of me thanne hostages:
2044 'I have,' he seide, 'taken fele homages
2045 Of oon and other, where I have bene
2046 Disteyned ofte, withouten wene.
2047 These felouns, full of falsite,
2048 Have many sithes biguyled me,
2049 And thorough her falshede her lust ,
2050 Wherof I repente and am Agreved.
2051 And I hem gete in my daungere,
2052 Her falshede shull they bie full dere.
2053 But for I love thee, I seie thee pleyn,
2054 I wole of thee be more certeyn;
2055 ffor thee so sore I wole now bynde,
2056 That thou away ne shalt not wynde
2057 fforto denyen the covenaunt,
2058 Or don that is not Avenaunt.