1987 That thou art gentyll, by thi speche.
1988 ffor though a man fer wolde seche,
1989 He shulde not fynden, in certeyn,
1990 No sich answer of no vileyn;
1991 ffor sich a word ne myght nought
1992 Isse out of a vilayns thought.
1993 Thou shalt not lesen of thi speche,
1994 ffor thy helpyng wole I eche,
1995 And eke encresen that I may.
1996 But first I wole that thou obaye
1997 ffully, for thyn Avauntage,
1998 Anoon to do me heere homage.
1999 And sith kisse thou shalt my mouthe,
2000 Which to no vilayn was never couthe
2001 fforto aproche it, ne forto touche;
2002 ffor sauff of cherlis I ne vouche
2003 That they shull never neigh it nere.
2004 ffor curteis, and of faire manere,
2005 Well taught, and full of gentilnesse
2006 He must ben, that shal me kysse,
2007 And also of full high ffraunchise,
2008 That shal atteyne to that emprise.
2009 And first of o thing warne I thee,
2010 That peyne and gret Adversite