1125 Sich lyght sprang oute of the stone,
1126 That Richesse wondir bright shone,
1127 Bothe hir heed, and all hir face,
1128 And eke aboute hir al the place.
1129 Dame Richesse on hir honde gan lede
1130 A yong man full of pmelyhede,
1131 That she best loved of ony thing;
1132 His lust was mych in housholding.
1133 In clothyng was he ful fetys,
1134 And loved to have well hors of prys.
1135 He wende to have reproved be
1136 Of theft or moordre, if that he
1137 Hadde in his stable an hakeney.
1138 And therfore he desired Ay
1139 To be aqueynted with Richesse;
1140 ffor all his purpos, as I gesse,
1141 Was forto make gret dispense,
1142 Withoute wernyng of diffence.
1143 And Richesse myght it wel sustene,
1144 And hir dispence well mayntene,
1145 And hym alwey sich plente sende
1146 Of gold and silver forto dispende
1147 Withoute lakke or daunger,
1148 As it were poured in a garner.